Қазақстан ұлттық құрамасының қорғаушысы Михаил Габышев кәсіби футболмен қош айтысты, деп хабарлайды Zhaiyqmedia.kz ақпарат агенттігі.
Қазақстан футбол федерациясының мәліметінше, 32 жастағы футболшы бұдан былай алаңға шықпайды. Ол ұлттық құрама сапында 30-дан астам кездесу өткізіп, бірнеше гол соққан.
«Мен үшін үлкен футболмен қоштасу – оңай шешім болған жоқ. Бірақ денсаулық пен отбасымды ойлап, осы қадамға бардым. Қазақстан жанкүйерлеріне қолдаулары үшін алғыс айтамын», – деді Габышев.
Габышев «Қайрат», «Астана» және «Тобыл» клубтарында ойнап, Қазақстан чемпионатының бірнеше дүркін жеңімпазы атанған. Оның соңғы клубы – «Шахтер» болды.
