Мәжіліс «Сайлау туралы» конституциялық заңға маңызды түзетулерді мақұлдады. Енді сыбайлас жемқорлық үшін сотталған азаматтар сайлау комиссиясының мүшесі бола алмайды, деп хабарлайды Zhaiyqmedia.kz ақпарат агенттігі.
Жаңа құжат сайлау комиссияларының жұмысын барынша ашық әрі әділ етуге бағытталған. Депутаттардың айтуынша, бұл өзгерістер сайлау үдерісіне сенімді арттырады.
«Біз сайлау комиссияларының құрамына адал, беделі таза адамдар ғана кіруіне қол жеткіземіз. Жемқорлықпен сотталғандардың мұндай жауапты қызметте отыруына жол берілмейді», — деді Мәжіліс депутаты.
Түзетулер бойынша, комиссия мүшелерінің қызметіне қойылатын талаптар қатаңдатылып, олардың есеп беру тәртібі де нақтыланған. Бұл — еліміздегі сайлау жүйесін жетілдірудің кезекті қадамы.
