Қазақстан геология саласын цифрландыруға кірісті. Енді пайдалы қазбаларды жасанды интеллект іздейтін болады.
Үкімет отырысында өнеркәсіп және құрылыс министрі Ерсайын Нағаспаев геологиялық барлаудағы жаңа тәсілдер туралы баяндады, деп хабарлайды Zhaiyqmedia.kz ақпарат агенттігі.
Министрдің айтуынша, жасанды интеллект геологиялық деректерді талдап, кен орындарын анықтауға көмектеседі. Бұл – уақыт пен ресурсты үнемдейтін тиімді әдіс.
«Цифрлық технологиялар геологияны жаңа деңгейге көтереді. Біздің мақсат – жер қойнауындағы байлықты тез әрі дәл табу», – деді Ерсайын Нағаспаев.
Жаңа жүйе алдымен Батыс Қазақстан аймағында сынақтан өтеді. Мұнда мұнай мен газ кен орындары көп шоғырланған.
