Осыдан 25 жыл бұрын Қазақстан әскері Тәжік-Ауған шекарасындағы жауынгерлік міндетін абыроймен аяқтап, елге оралды. Бұл күн – бейбітшілік пен тұрақтылық жолында қызмет еткен қазақстандық жауынгерлердің ерлігі мен батырлығын еске алатын маңызды дата.
Тәжік-Ауған шекарасындағы жауынгерлік қақтығыстарға қатысқан отандастарымыздың ерлігін ұлықтау, ел тыныштығы жолында жанын қиған батырларды құрметпен еске алу және жас ұрпаққа отансүйгіштік рухты дәріптеу – баршамыздың ортақ парызымыз.
Атаулы күнге орай Тәжік–Ауған шекарасындағы ұрыс қимылдарының ардагерлеріне арналған ескерткішке гүл шоқтары қойылып, қаза тапқан жауынгерлердің рухына тағзым етілді.
