Қазақстанда депутаттардың тәртібін қадағалайтын арнайы кеңес құрылмақ. Бұл – Құрылтай туралы конституциялық заң жобасында көзделген жаңа нормалардың бірі.
Жобада депутаттық бірлестіктерді құру мен олардың жұмыс тәртібі толық нақтыланған. Енді фракциялар мен депутаттық топтардың қызметіне қатысты айқын ережелер бекітіледі.
«Әдеп жөніндегі кеңес депутаттардың мінез-құлқын бақылап, этика нормаларын бұзған жағдайда шара қолданады», – делінген құжатта.
Жаңа орган парламенттің ашықтығы мен жауапкершілігін арттыруға бағытталған. Оның нақты өкілеттіктері мен құрамы заң жобасы мақұлданған соң белгілі болады.
Құрылтай туралы заңды әзірлеу биыл басталып, кеңінен талқылануда. Құжаттың түпкілікті нұсқасы парламент сессиясында қаралады, деп хабарлайды Zhaiyqmedia.kz ақпарат агенттігі.
