Үкімет басшысы Олжас Бектенов отандық фармацевтиканы дамыту бағытында нақты тапсырма берді. Енді дәрілік заттарды тіркеу мерзімі 1 шілдеге дейін қысқарады, деп хабарлайды Zhaiyqmedia.kz ақпарат агенттігі.
Бұл – Президенттің отандық дәрі өндірушілерді қолдау жөніндегі тапсырмасын орындау аясындағы маңызды қадам. Бектенов мемлекеттік органдарға дәрілерді тіркеу рәсімін оңайлатуды және уақытын қысқартуды міндеттеді.
«Отандық өндірушілер үшін кедергілерді алып тастап, дәрі-дәрмектің нарыққа шығуын тездету керек», – деді премьер-министр кеңес барысында.
Қазіргі таңда Қазақстанда дәрі тіркеу 6 айдан 2 жылға дейін созылады. Бұл шетелдік өнімдерге қарағанда отандық өндірушілердің бәсекеге қабілетін төмендетеді. Жаңа мерзім – 1 шілде – осы мәселені шешуге бағытталған.
