Шахтинскіде газ баллоны жарылып, өрт шыққан кезде адамдарды құтқарған бес полицейге марапат табысталды. Олар төтенше жағдайда батылдық танытып, бірнеше адамды аман алып қалды.
«Қызметтік борышын өтеу кезінде ерлік көрсеткендері үшін бес полиция қызметкері ведомстволық наградаларға ие болды», — деді ІІМ өкілі.
Жарылыс Шахтинск қаласындағы көпқабатты үйлердің бірінде болған. Оқиға орнына алдымен жеткен полицейлер тұрғындарды эвакуациялап, өрттің таралуына жол бермеген.
