АҚШ-тың Нью-Йорк қаласындағы Оңтүстік округінің федералдық соты Ильяс Храпуновты кінәлі деп тапты. Бұл туралы Қазақстан Әділет министрлігінің баспасөз қызметіне сілтеме жасап ZhaiyqMeida.kz хабарлайды.
Сот шешімі
Ресми мәліметке сәйкес, 2025 жылдың 6 тамызында Нью-Йорктегі Окружной сот Алматы қаласы мен «БТА Банк» АҚ пайдасына шешім шығарып, Ильяс Храпуновты сотқа құрмет көрсетпегені үшін кінәлі деп таныды.
Федералды судья Джон Г. Кёлтл Храпуновтың сот шешімін орындамай, өз активтері жөнінде тұрақты есеп бермегенін растады. Бұған дейін ол 221 285,31 АҚШ долларын төлеуге міндеттелген еді.
Жаңа сот шешімі бойынша Храпунов:
-
активтері мен қаржылық жағдайы туралы толық есеп беруге,
-
сот шешімдерін орындау үшін қабылданған шараларды көрсетуге,
-
сондай-ақ Алматы мен БТА Банк шығындарын өтеуге міндеттелді.
Бұған дейінгі санкциялар
Бұл – Храпуновқа қарсы Нью-Йорктегі соттың екінші рет қаржылық айыппұл салуы.
-
2022 жылы ол сот құжаттарын жою, жалған айғақтар беру және сот шешімдерін орындамау үшін 221 285,31 доллар көлемінде санкцияға тартылған болатын.
-
Бұған дейін де бірнеше мәрте сот процесін әдейі бұрмалау әрекеттері үшін айыпталған.
Халықаралық істер
-
2020 жылы Швейцария билігі оған азаматтық беруден бас тартты. Себебі ол және оның отбасы бірнеше елде, соның ішінде Швейцария, АҚШ және Ұлыбританияда қаржы заңсыздығына байланысты сот процестеріне тартылған.
-
Әлемнің әртүрлі елдерінде Храпуновтар отбасы мен Мұхтар Әблязовқа қатысты ақша жымқыру және заңсыз инвестициялар бойынша істер қаралып жатыр.
БТА мен Алматының жеңісі
2024 жылы АҚШ-тағы сот БТА Банк пен Алматы қаласының пайдасына шешім шығарып, Мухтар Әблязовтың сыбайластары — Феликс Саттер мен оның компанияларына қарсы істі қанағаттандырған еді. Нәтижесінде жәбірленушілердің пайдасына 32 млн доллар өндіріп алу шешімі шықты.
