Сурет: Egemen Qazaqstan
Қазақстанның 16 облысында 25 мамырға ауа райына байланысты ескерту жарияланды. Синоптиктер найзағай, шаңды дауыл, қатты жел және үсік болатынын ескертті, деп хабарлайды Zhaiyqmedia.kz ақпарат агенттігі.
Елдің басым бөлігінде найзағай ойнап, күн күркіреп, жел күшейеді. Кей өңірлерде шаңды дауыл тұруы мүмкін. Түнгі уақытта ауа температурасы күрт төмендеп, үсік жүреді.
«Ауа райының қолайсыздығына байланысты азаматтарға сақ болуды, дала жұмыстарын шектеуді және малды қораға қамауды ұсынамыз», – деді Қазгидромет мамандары.
Батыс Қазақстан облысында да найзағай мен қатты жел күтіледі. Желдің жылдамдығы секундына 15-20 метрге жетеді. Жайық өңіріндегі тұрғындарға ерекше сақтық шараларын сақтау қажет.
