Сурет: istockphoto.com
Елімізде ең көп несиелік қарыз тұрмыстық техника үшін рәсімделеді. Әлеуметтік сауалнамаға қатысқан отандастардың басым бөлігі осылай мәлімдеген, деп хабарлайды Zhaiyqmedia.kz ақпарат агенттігі.
Demoscope мониторингтік бюросының зерттеуіне сүйенсек, тұрғындардың 39,7 пайызында бір ғана несиесі болса, 33 пайызы бірнеше несие төлеп жүр. Ал респонденттердің 27 пайызы қазіргі уақытта ешқандай несие міндеттемесі жоқ екенін айтқан.
Тұрғындардың ең көп рәсімдейтін қарыз түрі – тұтынушылық несие. Қарыз алушылардың 70,4 пайызы осы санаттағы несиеге жүгінген. Сонымен қатар, 45,7 пайызы тауарды бөліп төлеу қызметін пайдаланады.
Респонденттердің 22,1 пайызы туыстары мен достарынан немесе ломбардтан қарыз алғанын айтса, 14,4 пайызы автонесие төлейді. Ал ипотекалық несиесі барлардың үлесі 13 пайызды құрады.
