Бейжің Олимпиадасында фристайл-могулдан сынға түскен Павел Колмаков финалға жолдама алып, бүгін жүлде үшін таласады, деп хабарлайды Zhaiyqmedia ақпарат агенттігі.
Павел Колмаков іріктеу кезеңінен сәтті өтіп, 9-орынмен финалдық айналымға шықты. Бүгін одан бөлек тағы бірнеше спортшымыз жарыс жолына шығады.
12 ақпанда ел намысын қорғайтын спортшылардың кестесі (Астана уақытымен):
- 15:30 — Тау шаңғысы (супергигант, әйелдер): Александра Скороходова.
- 16:15 — Фристайл-могул (финал, ерлер): Павел Колмаков.
- 17:00 — Шаңғы жарысы (жекелей сын, әйелдер): Надежда Степашкина, Ксения Шалыгина, Ангелина Мельник, Дарья Ряжко.
- 20:30 — Конькимен жүгіру спорты (5000 м, әйелдер): Надежда Морозова.
Осы уақытқа дейін Қазақстан қоржынындағы ең үздік нәтиже – конькимен жүгіруші Надежда Морозованың 3000 метр қашықтықта иеленген 6-орны.
Ал жалпы командалық есепте Норвегия құрамасы (13 медаль, оның 7-еуі алтын) көш бастап тұр. Одан кейінгі орындарда АҚШ (12 медаль, 4 алтын) пен Италия (13 медаль, 4 алтын) құрамалары келеді.
Фото: Әлеуметтік желіден
