Сурет: Egemen Qazaqstan
Қазақстандық жүзушілер АҚШ-тың Фуллертон қаласында өткен турнирде төрт медаль жеңіп алды, деп хабарлайды Zhaiyqmedia.kz ақпарат агенттігі.
Жарыстың басты қаһарманы Айбат Мырзамұратов болды. Ол 100 метрге брасс әдісімен жүзуде 1:03.33 нәтиже көрсетіп, алтын медаль иеленді. Сондай-ақ спортшы 50 метрге еркін стильде жүзуде (23.02 секунд) күміс жүлдеге қол жеткізді.
Ұлттық құраманың қоржынына тағы екі жүлдені Даниил Чужинов пен Артур Миронов салды. Даниил Чужинов 200 метрге кешенді жүзуде 2:09.20 нәтижесімен екінші орын алса, Артур Миронов 100 метрге брасс әдісімен жүзуде 1:03.76 уақыт көрсетіп, қола медаль жеңіп алды.
