Сурет: ҰОК
Қазақстандық боксшы Санжар Ташкенбай әлем кубогында жеңіске жетті. Ол 50 келі салмақ дәрежесінде өнер көрсетіп, барлық қарсыласын ұтты, деп хабарлайды Zhaiyqmedia.kz ақпарат агенттігі.
Финалда Санжар Ташкенбай өзбекстандық Асылбек Жалиловпен кездесті. Төрешілердің шешімі бойынша ол 3:2 есебімен жеңіске жетті.
Турнир барысында ол ширек финалда қырғызстандық Анваржан Ходжиевті 5:0, жартылай финалда испаниялық Мартин Сальвадорды 5:0 есебімен ұтты.
Бұған дейін Назым Қызайбай да әлем кубогында алтын медаль алған еді.
