Сурет: Egemen Qazaqstan
4 маусымнан бастап «Отбасы банк» аралық тұрғын үй қарыздары бойынша жаңа талаптар енгізеді. Енді бұрынғыдай бірнеше пайыздық мөлшерлеме болмайды, барлық клиенттер үшін бірыңғай ставка белгіленді, деп хабарлайды Zhaiyqmedia.kz ақпарат агенттігі.
Банк мамандарының айтуынша, бұл шешім қарыз алушылардың шатасуын болдырмау үшін қабылданған. Енді ипотекалық несиенің мөлшерлемесі бірдей болады, бірақ оның мөлшері нарықтық көрсеткіштерге байланысты өзгеруі мүмкін.
Жаңа жүйе бойынша, клиенттер несие алған кезде бекітілген ставкамен емес, ай сайынғы нарықтық жағдайға қарай төлейтін болады. Бұл ипотеканы қымбаттатуы әбден мүмкін.
«Біз клиенттерге қолайлы жағдай жасау үшін жұмыс істейміз. Жаңа талаптар ашықтықты арттырып, қарыз алушылардың түсінігін жеңілдетеді», – дейді банк өкілдері.
Сарапшылардың пікірінше, бұл өзгеріс әсіресе ұзақ мерзімді ипотека алуды жоспарлаған азаматтарға әсер етеді. Енді несие мөлшерлемесін алдын ала болжау қиындайды.
