Президент Қасым-Жомарт Тоқаев 9 мамыр – Ұлы Жеңіс күніне орай қазақстандықтарға құттықтау жолдады. Мемлекет басшысы майдандағы ерлік пен тылдағы еңбектің маңызын ерекше атап өтті, деп хабарлайды Zhaiyqmedia.kz ақпарат агенттігі.
Президент құттықтауында соғыс жылдарындағы қаһармандықты ұмытпау керектігін жеткізді. «Біз бейбітшілік пен тұрақтылықты сақтауға міндеттіміз», – деді ол.
«Ерлік – мәңгілік. Ардагерлерімізге мың алғыс!» – деп жазды Тоқаев әлеуметтік желіде.
Биыл Жеңіс күнінде еліміздің түкпір-түкпірінде салтанатты шаралар өтті. Оралда да ардагерлерді құттықтап, концерттер ұйымдастырылды.
