Мемлекет басшысы Қасым-Жомарт Тоқаев 9 мамырда Мәскеуде өтетін Ұлы Жеңістің 81 жылдығына арналған салтанатты іс-шараларға қатысады, деп хабарлайды Zhaiyqmedia.kz ақпарат агенттігі.
Президенттің баспасөз хатшысы Айбек Смадиярдың мәліметінше, бұл сапар жұмыс сапары ретінде өтеді. Тоқаев аталған шаралар аясында Ресейдің жоғары лауазымды тұлғаларымен кездесулер өткізуі мүмкін.
Еске сала кетейік, бұған дейін Қазақстан президенті Мәскеудегі Жеңіс шеруіне бірнеше рет қатысқан болатын. Биылғы сапар да екі ел арасындағы дипломатиялық қарым-қатынасты нығайтуға бағытталған.
