Премьер-министр Олжас Бектенов инвесторлардың құқығын қорғау мен инвестициялық жобаларды іске асырудағы кедергілерді жоюды тапсырды. Бұл – Мемлекет басшысы Қасым-Жомарт Тоқаевтың тапсырмасын орындау аясындағы маңызды қадам, деп хабарлайды Zhaiyqmedia.kz ақпарат агенттігі.
Үкімет басшысы инвесторлардың алдында тұрған негізгі мәселелерге тоқталды. Оның айтуынша, кейбір жергілікті әкімдіктер инвесторларға қолдау көрсетудің орнына қосымша кедергілер туғызады.
«Инвесторлардың құқығын қорғау жүйесін күшейту керек. Кез келген бюрократиялық кедергі бизнестің дамуына кедергі келтіреді», – деді Бектенов.
Сонымен қатар, премьер-министр инвестициялық жобалардың мерзімінде іске асуын қадағалауды тапсырды. Жобалардың тиімділігін арттыру үшін цифрлық платформаларды енгізу қажеттігін атап өтті.
