Ұлттық музейде суретші Аңсаған Мұстафаның «Сөйле, сурет» атты жеке көрмесі ашылды. Бұл – оның шығармашылық жолындағы 200-ші мерейтойлық көрме, деп хабарлайды Zhaiyqmedia.kz ақпарат агенттігі.
Көрмедегі туындылар заманауи қоғамның өзекті мәселелерін көтереді. Суретші адамдардың телефонға тәуелділігі мен жалғыздық сезімін, сондай-ақ жоғалған құндылықтарды қағаз бетіне түсірген.
«Менің жұмыстарым – үнсіздіктегі дауыс. Әр сурет – көрерменмен диалог. Біздің заманымызда адамдар бір-бірінен алыстап барады, ал мен сол алшақтықты көрсеткім келді», – дейді Аңсаған Мұстафа.
Көрмеге келушілер суретшінің ерекше стилі мен түс үйлесіміне тәнті болуда. Туындылардағы бейнелер мен символдар көрерменді ойландырып, терең сезімге бөлейді.
Аңсаған Мұстафаның шығармашылығы тек Қазақстанда ғана емес, шетелде де танымал. Оның еңбектері бірнеше халықаралық көрмелерде көрсетілген.
