«e-Өтініш» жүйесінің 5 жылдығына орай Астанада арнайы жиын өтті. Мемлекеттік кеңесші Аида Балаева бұл платформаны «Халық үніне құлақ асатын мемлекет» тұжырымдамасын жүзеге асырудың басты құралы деп атады, деп хабарлайды Zhaiyqmedia.kz ақпарат агенттігі.
Балаеваның айтуынша, «e-Өтініш» қоғам мен мемлекет арасындағы сенімді нығайтуға зор үлес қосып отыр. Жүйе арқылы азаматтар өз өтініштерін онлайн жолдап, жауап ала алады.
«Бұл платформа – билік пен халық арасындағы тікелей диалогтың айнасы. Біз әрбір өтініштің уақтылы қаралуын қамтамасыз етуге тырысамыз», – деді Аида Балаева.
Жиында жүйенің даму перспективалары да талқыланды. Алдағы уақытта «e-Өтініш» арқылы мемлекеттік қызметтерге өтініш беру мүмкіндігі кеңеймек.
