Президент Қасым-Жомарт Тоқаев NVIDIA компаниясының вице-президенті Николо Мартин Капрезді және Firebird AI өкілдерін қабылдады. Кездесуде елімізде жасанды интеллект инфрақұрылымын дамыту мәселелері талқыланды, деп хабарлайды Zhaiyqmedia.kz ақпарат агенттігі.
Тараптар жасанды интеллект саласындағы ынтымақтастықты кеңейтуге келісті. NVIDIA өкілдері Қазақстанның цифрлық трансформациясына қолдау көрсетуге дайын екенін жеткізді.
Біз Қазақстанда заманауи технологияларды енгізуге мүдделіміз. Жасанды интеллект экономиканың барлық саласын өзгерте алады, – деді Николо Мартин Капрез.
Firebird AI компаниясы да жергілікті стартаптармен бірлесіп жұмыс істеуге ниетті. Кездесу қорытындысы бойынша бірқатар жобаны іске қосу жоспарланған.
