Қазақстан Ұлттық банкі ескі үлгідегі 2000 теңгелік банкноттарды айналымнан шығара бастады. Бұл туралы реттеушінің баспасөз қызметі хабарлады, деп хабарлайды Zhaiyqmedia.kz ақпарат агенттігі.
Ұлттық банк мамандары бұл шара біртіндеп жүргізілетінін атап өтті. Яғни, ескі банкноттарды бірден айналымнан алып тастамай, бірте-бірте жаңасына ауыстырады.
«Қазіргі уақытта ескі үлгідегі 2000 теңгелік банкноттарды айналымнан шығару жұмыстары жүргізіліп жатыр. Бұл процесс бірнеше айға созылады», — делінген банк хабарламасында.
Қазақстандықтарға алаңдауға еш негіз жоқ. Ескі банкноттарды кез келген банк бөлімшесінде немесе Ұлттық банк филиалдарында жаңасына ауыстыруға болады. Айырбастау мерзімі де белгіленбеген, яғни асықпауға болады.
Айта кетейік, бұған дейін де Ұлттық банк басқа номиналдағы банкноттарды жаңартып, біртіндеп айналымнан алып отырған. Жаңа 2000 теңгеліктердің дизайны да өзгерген.
