Екі апталық үнсіздіктен кейін Қазақстандағы танымал AIRAN MEDIA YouTube-жобасы өз жұмысын тоқтатқанын мәлімдеді. Редакция қазіргі жағдайда видео шығару мүмкін емесін айтты, деп хабарлайды Zhaiyqmedia ақпарат агенттігі.
Төрт жыл бойы жұмыс істеген жоба Қаңтар оқиғасы, Украинадағы соғыс сияқты қоғамдағы ең өткір әрі маңызды тақырыптарды көтеріп келген еді.
Жоба ұжымы өздерінің әлеуметтік желідегі парақшасында қоштасу хатын жариялап, жұмысты тоқтату себебін түсіндірді.
«Жобаны бастаған кезде таңдаған қағидаттарымыз бүгінгі жағдайда орындалмайтын болды. Сондықтан біз тоқтаймыз. Бұл – трагедия емес, бұл – шындық», — делінген редакция хабарламасында.
Сонымен қатар команда осы уақытқа дейін қолдау көрсеткен барша көрерменіне алғыс білдірді.
Фото: Әлеуметтік желіден
