Қазақстанның бірінші, әлемнің төртінші ракеткасы Елена Рыбакина Майамиде өтіп жатқан WTA 1000 турнирінің ширек финалына жолдама алды, деп хабарлайды Zhaiyqmedia ақпарат агенттігі.
Төртінші айналымда отандасымыз америкалық теннисші Мэдисон Кизбен кездесті. Бір сағат 25 минутқа созылған тартысты матч 6:3, 7:5 есебімен Еленаның пайдасына аяқталды. Осылайша, Рыбакина Майами турнирінде қатарынан екінші жыл ширек финалға шығып отыр.
Енді ол жартылай финалға шығу үшін грекиялық спортшы Мария Саккаримен кортқа шығады. Бұған дейін теннисшілер өзара үш рет кездесіп, екеуінде Саккари, біреуінде Рыбакина жеңіске жеткен.
Майамидегі турнирдің жеңімпазы 1000 рейтингтік ұпай мен 1,1 миллион АҚШ доллары көлемінде сыйақы алады.
Фото: Әлеуметтік желіден
