Израиль мен Америка Құрама Штаттары Иранға қарсы әскери операцияның екінші кезеңі басталғанын ресми түрде жариялады. Екі елдің әскери басшылығы алдағы уақытта Иран аумағына жасалатын соққылар әлдеқайда күшейетінін ескертті, деп хабарлайды Zhaiyqmedia ақпарат агенттігі.
Израиль қорғаныс армиясы Бас штабының басшысы Эяль Замирдің мәлімдеуінше, операцияның бірінші кезеңі сәтті өткен. Оның барысында Израиль мен оның одақтастары күтпеген шабуыл арқылы әуе кеңістігінде толық басымдыққа қол жеткізген. Бұл Иранның баллистикалық зымырандармен соққы беру мүмкіндігін едәуір әлсіреткен.
«Күтпеген шабуыл кезеңі аяқталғаннан кейін біз әуе үстемдігін қамтамасыз еттік және Иранның баллистикалық зымырандармен соққы беру қабілетін бастық. Енді науқанның келесі кезеңіне өтеміз. Бұл кезеңде режимнің негізі мен оның әскери әлеуетіне соққыны күшейтеміз», — деді Замир.
Reuters агенттігінің дереккөздері әскери операцияның жаңа кезеңі Иранның жер астында орналасқан зымыран инфрақұрылымына бағытталатынын хабарлады. Негізгі мақсат – зымырандарды ұшыруға арналған жасырын базалар мен шахталарды толықтай жою болып отыр.
Фото: Әлеуметтік желіден
