Алматыда оқушы қыз өз-өзіне қол жұмсамақ болған QSI жекеменшік мектебіндегі тексеру жалғасып жатыр, деп хабарлайды Zhaiyqmedia ақпарат агенттігі.
Бұған дейін полиция қылмыс құрамының болмауына байланысты «Өзін-өзі өлтіруге дейін жеткізу» бабы бойынша қозғалған қылмыстық істі тоқтатқан болатын. Құқық қорғау органдары оқу орнында буллинг фактілері болғанын растамады.
Алайда қылмыстық істің жабылуына қарамастан, Алматы қаласы білім басқармасының арнайы мониторинг тобы мектептегі жағдайды зерттеуді жалғастыруда. Сараптама тобының құрамына психологтар, ювеналды полиция қызметкерлері және Қоғамдық кеңес өкілдері кірген.
Зардап шеккен оқушының әкесі қызының мұндай қадамға баруына мектеп қабырғасында көрген қорлығы себеп болғанын алға тартады. Ол оқу орнындағы әлімжеттікке шағымданған.
Бұл мәселе қазір биліктің ерекше бақылауында.
Фото: Әлеуметтік желіден
