Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы жұмысын бастады. Жиында еліміздің биылғы жартыжылдықтағы әлеуметтік-экономикалық дамуының қорытындысы шығарылып, алдағы кезеңге арналған негізгі міндеттер белгіленеді, деп хабарлайды Zhaiyqmedia ақпарат агенттігі.
Дәстүрлі отырысқа Премьер-министр, оның орынбасарлары, министрлер, сондай-ақ Президент Әкімшілігінің басшылығы мен басқа да орталық мемлекеттік органдардың бірінші басшылары қатысуда.
Күн тәртібінде инфляцияны ауыздықтау, экономикалық өсімді қамтамасыз ету, инвестиция тарту және азаматтардың әл-ауқатын арттыруға бағытталған шаралар талқыланады деп күтілуде. Президенттің министрлер кабинетінің жұмысына баға беріп, нақты тапсырмалар жүктеуі ықтимал.
Жиынның қорытындысы бойынша Үкімет пен жергілікті атқарушы органдардың алдына жаңа міндеттер қойылады. Мемлекет басшысының мәлімдемелері мен тапсырмалары елдің одан арғы даму бағытын айқындайтын болады.
Фото: Әлеуметтік желіден
