«Қазгидромет» РМК 30 қаңтарға арналған ауа райы болжамын жариялады. Республиканың басым бөлігінде күн жауын-шашынсыз болады, алайда кей өңірлерде тұман түсіп, көктайғақ сақталады, деп хабарлайды Zhaiyqmedia ақпарат агенттігі.
Еліміздің солтүстік және орталық өңірлерінде ашық, бірақ аязды ауа райы күтіледі. Астанада түнде -18…-20, Қарағандыда -16…-18 градусқа дейін суытады. Петропавл, Қостанай және Көкшетауда күндіз -4…-6 градус болып, екпінді жел соғады. Кей жерлерде тұман түседі.
Шығыс Қазақстан облысының қалаларында да жауын-шашын болмайды. Өскеменде ауа температурасы түнде -14…-16, Семейде -15…-17 градусты көрсетеді. Түнде және таңертең тұман болады.
Батыс аймақтарда күн сәл жылы. Оралда күндіз -5…-7, Атырауда -3…-5 градус. Тек Ақтауда күндізгі температура +2…+4 градусқа дейін көтеріледі, алайда түнде -4 градусқа дейін төмендейді.
Оңтүстік өңірлерде ауа райы құбылмалы болады. Шымкент пен Түркістанда күндіз +3 градусқа дейін жылы болғанымен, түнде аяз -8 градусқа дейін күшейеді. Тараз бен Қызылордада тұман түсіп, көктайғақ болу қаупі бар. Алматыда күндіз -1…+1, түнде -5…-7 градус, таңертең қаланы тұман басады.
