Қазақстанда жер қатынастары саласындағы мемлекеттік қызметтер тізімі кеңейіп, енді бірқатар маңызды рәсімді онлайн атқаруға мүмкіндік туды, деп хабарлайды Zhaiyqmedia ақпарат агенттігі.
Ауыл шаруашылығы министрлігінің хабарлауынша, eGov.kz порталына жерге қатысты тағы үш жаңа қызмет қосылды. Бұл азаматтар үшін рәсімдерді жеңілдетіп, уақытты үнемдеуге мүмкіндік береді.
Енді портал арқылы келесі қызметтерді онлайн алуға болады:
- Жер учаскесін жалға алу мерзімін ұзарту;
- Жер телімін жеке меншікке немесе бөліп төлеу арқылы сату;
- Жер учаскесінің нысаналы мақсатын өзгертуге шешім алу.
«Бұл жаңа сервистер мемлекеттік қызметтерді алуды ыңғайлы етуге, оларды көрсету мерзімін қысқартуға және жер қатынастары саласындағы рәсімдердің ашықтығын қамтамасыз етуге бағытталған», – делінген ресми хабарламада.
Фото: Әлеуметтік желіден
