Шымкентте 40 жастағы ер адамның өлімімен аяқталған жаппай төбелеске қатысты іздеуде болған тағы үш күдікті ұсталды, деп хабарлайды Zhaiyqmedia ақпарат агенттігі.
Бұл ақпаратты қорғаушы тараптың адвокаты Талғат Есімов растады. Оның айтуынша, күдіктілер көршілес Түркістан облысында жасырынып жүрген.
«Күдіктілер Түркістан облысының Түлкібас ауданынан табылды. Қазір оларға қатысты сотқа дейінгі тергеу амалдары жүргізіліп жатыр», – деді адвокат.
Бұған дейін Шымкентте бір топ адамның жаппай төбелесіп, соның салдарынан 40 жастағы ер адамның қаза тапқаны хабарланған еді. Оқиғадан кейін полиция бірнеше күдіктіге іздеу жариялаған болатын.
Фото: Әлеуметтік желіден
