Қызылорда облысында Қазалы аудандық сотының төрағасы Дәурен Әбдіқалықов ірі көлемде пара алды деген күдікпен ұсталды. Оны Ұлттық қауіпсіздік комитетінің қызметкерлері арнайы операция барысында қолға түсірген, деп хабарлайды Zhaiyqmedia ақпарат агенттігі.
Алдын ала мәлімет бойынша, судья биыл сотталушының жазасын жеңілдету үшін оның туыстарынан 6 миллион теңге алған. Осыдан кейін ол сотталушыға шартты жаза кескен.
Араға уақыт салып, сот төрағасы сол азаматты мерзімінен бұрын босату үшін тағы 300 мың теңге алғаны анықталды.
Қазіргі таңда аталған дерекке қатысты тергеу амалдары жүріп жатыр.
Фото: Әлеуметтік желіден
