Астанада ауа температурасының күрт төмендеуіне байланысты қоғамдық көліктер мен дизель отынымен жүретін автокөліктердің қаладан шығуына тыйым салынды, деп хабарлайды Zhaiyqmedia ақпарат агенттігі.
Бұл туралы елордалық Төтенше жағдайлар департаменті мәлімдеді. Ауа райының қолайсыздығына байланысты жүргізушілерге алыс жолға шықпауға кеңес берілді.
«20:00-ден бастап ауа райының нашарлауына (ауа температурасының -30°C дейін төмендеуі) байланысты Астана қаласынан барлық бағыт бойынша дизель отынымен жүретін және қоғамдық көлік құралдарының қозғалысына шектеу енгізілді», – делінген ресми хабарламада.
Сонымен қатар, CTS көлік компаниясы қала маңына қатынайтын № 305, 308, 309, 310, 312, 315, 316, 327, 328, 329 бағдарларының қозғалысы уақытша тоқтатылғанын хабарлады.
Фото: Әлеуметтік желіден
