Елімізде байлар мен кедейлер арасындағы қаржылық алшақтық жаңа рекордқа жетті. Ranking жүргізген талдауға сәйкес, 2019–2023 жылдар аралығында ең төменгі 10% және ең жоғары 10% халық табысының айырмашылығы 5,9–6 есені құраса, өткен жылы бұл көрсеткіш 6,2 есеге дейін өскен.

Кіріс құрылымы
Зерттеу қорытындысы табыстың айтарлықтай бөлігі қоғамның шағын тобына тиесілі екенін көрсетеді. Қазақстандағы ең ауқатты 10% азамат жалпы кірістің 24,1%-ын иеленеді.

Жалақыдағы айырмашылық
2023 жылы ай сайын 1 млн теңгеден артық табыс алатындардың үлесі небәрі 3,3% болды (шамамен 112 мың адам). Ал 100 мың теңгеден аз еңбекақы алатындар олардың санынан 5 есе көп шықты — 210,6 мың адам немесе барлық жалдамалы жұмысшылардың 6,1%-ы.

Негізгі бөлігі орташа деңгейдегі жалақыға тәуелді: қызметкерлердің 23,9%-ы айына 100–200 мың теңге, ал 23,2%-ы 200–300 мың теңге аралығында табыс табады.