Ақтауда 27 тамызға қараған түні жерасты дүмпулері сезілді. Оқиға жергілікті уақыт бойынша сағат 01:33-те тіркелген, деп хабарлайды ZhaiyqMedia.kz.

Куәгерлердің айтуынша, түнгі бірге таяу уақытта үйлердегі шамдар мен жиһаздар қозғалып кеткен.

«Алғашында басым айналды ма деп ойладым. Кейін шамның теңселіп тұрғанын байқадым», – дейді қала тұрғыны.

ТЖД түсіндірмесі

Маңғыстау облысының Төтенше жағдайлар департаменті жер сілкінісінің болғанын растады. Ведомство мәліметінше, дүмпудің эпицентрі Каспий теңізінің акваториясында, Ақтаудан шамамен 271 шақырым жерде орналасқан.

• Магнитудасы: 5,2

• Тереңдігі: 15 шақырым

• Координаттары: 42°925 солтүстік ендік, 48°756 шығыс бойлық

Зардаптар туралы мәлімет

Қазіргі уақытта қираулар мен зардап шеккендер туралы ақпарат түскен жоқ. Құтқарушылар жағдайды бақылауда ұстап отыр.