Сурет: Egemen Qazaqstan
Гилгит-Балтистан өңірінде тау беткейінен мұз, қар және тау жыныстарының қалың массасы төмен қарай сырғыған, деп хабарлайды Zhaiyqmedia.kz ақпарат агенттігі.
Мамандардың айтуынша, ауа температурасының көтерілуі мұздықтардың тұрақтылығын әлсіретіп, мұндай табиғи апаттардың жиілеуіне себеп болып отыр.
Сарапшылар мұздықтың опырылуы мұздық көлдерінің жарылуына әкелуі мүмкін екенін ескертеді. Бұл өз кезегінде күшті тасқынға ұласып, жолдар, көпірлер, елді мекендер мен егістік алқаптарына елеулі зиян келтіруі ықтимал.
Мамандар мұндай апаттар көбіне алдын ала ескертусіз болатынын айтып, таулы өңірлерде қауіпсіздік шараларын күшейтіп, ерте ескерту жүйелерін дамытудың маңызын атап өтті.
