Сурет: Еuronews.com
Израиль әскері Ливанның оңтүстігіндегі Мадждаль-Зун ауылында әскери операция жүргізіп, «Хезболла» қозғалысына тиесілі жерасты инфрақұрылымын жойғанын мәлімдеді, деп хабарлайды Zhaiyqmedia.kz ақпарат агенттігі.
Операцияның негізгі нысанасы ұзындығы шамамен 200 метр болатын жерасты туннелі болған. Израиль тарапының мәліметінше, онда жүздеген қару-жарақ пен зымыран ұшыру қондырғылары сақталған.
Шабуыл Ливан мен Израиль шекарасындағы ахуалдың қайта шиеленісе түскен кезеңінде жасалды. Бұған дейін Израиль қорғаныс армиясы Набатия ауданында гранатометтермен қаруланған бірнеше әскеридің көзін жойып, зымыран ұшыру қондырғысын істен шығарғанын хабарлаған еді.
Әзірге Ливан билігі Израильдің соңғы шабуылдарына қатысты ресми мәлімдеме жасаған жоқ.
