Сурет: Egemen Qazaqstan
Ұлыбританияда екі жолаушы пойызы соқтығысып, салдарынан бір адам көз жұмды. Апат Бедфорд қаласы маңындағы теміржолда болды, деп хабарлайды Zhaiyqmedia.kz ақпарат агенттігі.
Оқиғадан 89 жолаушы жараланды, оның екеуінің жағдайы өте ауыр. Алдын ала мәлімет бойынша, бірінші пойыз қауіпсіздік жүйесінің істен шығуына байланысты тоқтап қалған, ал артынан келе жатқан екінші пойыз оған соғылған. Соққыдан бір вагон рельстен шығып кетті.
Оқиға орнында полиция, өрт сөндірушілер, 20 жедел жәрдем тобы мен санавиация жұмыс істеп жатыр.
