Сурет: Ерлан ОМАР/ Egemen.kz
Астанада Халықаралық балаларды қорғау күніне орай 100-ге жуық түрлі іс-шара ұйымдастырылды. Бұл күні балалар мен ата-аналар тегін концерттер, спорттық жарыстар және интерактивті алаңдарға қатыса алады, деп хабарлайды Zhaiyqmedia.kz ақпарат агенттігі.
Елорда әкімдігі мерекенің басты алаңдарын белгіледі. Абай атындағы скверде, «Қазақстан» спорт кешенінде және EXPO алаңында балаларға арналған шеберлік сабақтары, кітап жәрмеңкелері мен театр қойылымдары өтеді.
«Біз әр баланың қуанышын еселеу үшін барлық жағдайды жасадық. Ата-аналар балаларымен бірге келіп, көңілді әрі пайдалы уақыт өткізе алады», — деді қала әкімдігінің өкілі.
Сондай-ақ, саябақтарда тегін қойылымдар мен концерттер жоспарланған. Балаларға арналған сурет байқауы мен спорттық эстафеталар да ұйымдастырылмақ.
