Сурет: Астана әкімдігі
Астанада 1 маусым – Халықаралық балаларды қорғау күніне орай 100-ге жуық түрлі іс-шара өтеді. Қала әкімдігі мерекелік бағдарламаны әзірлеп қойған, деп хабарлайды Zhaiyqmedia.kz ақпарат агенттігі.
Балалар мен ата-аналарға арналған шаралар 29 мамырдан бастап өтеді. Олардың қатарында концерттер, спорттық жарыстар, кітапханадағы кездесулер және қолөнер үйірмелері бар. Әкімдік барлық іс-шара тегін өтетінін айтты.
«Біз балалардың көңілді әрі пайдалы уақыт өткізуіне жағдай жасадық. Әр отбасы өзіне ұнайтын демалу тәсілін табады», – деді қала әкімдігінің өкілі.
Мерекелік бағдарламаның толық кестесі әкімдіктің ресми сайтында жарияланған. Ұйымдастырушылар балалардың қауіпсіздігіне ерекше көңіл бөлетінін атап өтті.
