Сурет: Aikyn.kz
Астанада мектепке құжат тапсыру науқаны ресми түрде басталды. Ата-аналар балаларын 1-сыныпқа екі жолмен – онлайн және офлайн түрде жаза алады., деп хабарлайды Zhaiyqmedia.kz ақпарат агенттігі.
Биылғы ерекшелік – құжаттарды қабылдау мерзімі ұзартылған. Онлайн өтінімдерді eGov.kz порталы арқылы беруге болады. Офлайн тәсіл үшін мектептерде арнайы комиссиялар жұмыс істейді.
«Ата-аналарға ыңғайлы болу үшін екі нұсқаны да қарастырдық. Ең бастысы – құжаттарды уақытында тапсыру», – деді қалалық білім басқармасының өкілі.
Құжаттар тізімі: баланың туу туралы куәлігі, ата-ананың жеке куәлігі және медициналық анықтама. Толық ақпаратты мектептер мен порталдан алуға болады.
