Сурет: Egemen Qazaqstan
Астанада 18 жастағы қыз жазушы Бейімбет Майлиннің ескерткішіне мініп, фотосессия жасаған. Осы әрекеті үшін ол жауапқа тартылып, іс сотқа жолданды, деп хабарлайды Zhaiyqmedia.kz ақпарат агенттігі.
Қыз ескерткішке мініп, суретке түскен сәті әлеуметтік желіде тарап кеткен. Полиция бұл фактіні анықтап, оған қатысты әкімшілік іс қозғады.
«Ескерткішке міну – қоғамдық тәртіпті бұзу болып саналады. Мұндай әрекеттер үшін заңда жауапкершілік қарастырылған», – деді Астана қалалық полиция департаментінің өкілі.
Қазір іс материалдары сотқа жіберілді. Қызға қандай жаза қолданылатыны әзірге белгісіз.
