Сурет: Jas Qazaq
Ресей президенті Владимир Путин Қазақстанға мемлекеттік сапармен келер алдында екі ел арасындағы қарым-қатынасқа баға берді. Ол Ресей мен Қазақстанды берік достық байланыстыратынын айтты, деп хабарлайды Zhaiyqmedia.kz ақпарат агенттігі.
Путиннің сөзінше, екі ел арасындағы ынтымақтастық стратегиялық серіктестік деңгейіне жеткен. Ол сауда-экономикалық, мәдени-гуманитарлық салалардағы байланыстардың нығая түскенін атап өтті.
«Ресей мен Қазақстанды ғасырлар бойы қалыптасқан достық пен сенім байланыстырады. Біз бірге көптеген жетістіктерге жеттік және алда да бірлесіп жұмыс істейтін боламыз», — деді Путин.
Сарапшылар бұл сапардың екіжақты қатынастарды одан әрі дамытуға серпін беретінін айтады. Әсіресе, энергетика, логистика және цифрландыру салаларындағы бірлескен жобаларға ерекше мән беріледі.
