Сурет: Egemen Qazaqstan
Астанада биылғы Құрбан айт мерекесіне орай құрбандық шалуға арнайы 9 орын белгіленді. Бұл туралы қала әкімдігі хабарлады, деп хабарлайды Zhaiyqmedia.kz ақпарат агенттігі.
Мереке биыл 27-29 мамыр аралығында өтеді. Айт намазы 27 мамырда оқылады. Құрбандық шалуға арналған орындар қаланың түкпір-түкпірінде орналасқан.
«Құрбандық шалу орындары арнайы дайындалды. Онда ветеринарлық бақылау және қауіпсіздік шаралары қамтамасыз етіледі», — деді әкімдік өкілі.
Толық тізім мен мекенжайларды қала әкімдігінің ресми сайтынан көруге болады. Айт кезінде діни рәсімдердің барлық талаптарға сай өтуіне жағдай жасалған.
