Сурет: Ашық дереккөз
Қазақстанның бірінші ракеткасы Александр Бублик Швейцарияда өтіп жатқан ATP 250 турнирінің жартылай финалына жолдама алды, деп хабарлайды Zhaiyqmedia.kz ақпарат агенттігі.
Әлемдік рейтингте оныншы орында тұрған теннисші ширек финалда чехиялық Томаш Махачты екі сетте жеңді. Есеп – 6:4, 6:4.
Бублик жартылай финалда чехиялық Иржи Лехечкамен кездеседі. Бұл екі теннисші арасындағы үшінші ойын болады. Бұған дейін екеуі де бір-бірінен жеңіп, есеп тең түскен.
«Кортта өзімді жақсы сезінемін. Қолымнан келгеннің бәрін жасаймын», – деді Бублик матчтан кейінгі сұхбатында.
Турнирдің жүлде қоры 650 мың еуроны құрайды. Жеңімпаз 250 рейтингтік ұпай алады.
