Сурет: Видеодан алынған кадр
Сургут қаласындағы тұрғын үйдің лифтінде қыздың сөмкесіндегі телефон қуаттағыш құрылғы кенеттен тұтанып кетті. Оқиға Крылов көшесінде болған, деп хабарлайды Zhaiyqmedia.kz ақпарат агенттігі.
Куәгерлердің айтуынша, лифт ішінде түтін пайда болып, адамдар үрейленген. Қыз сөмкесін тастап үлгерген, артынша өрт сөндірілген.
«Бір сәтте сөмкеден қара түтін шығып, жалын көрінді. Қыз қатты қорқып кетті, бірақ ешкім зардап шеккен жоқ», – дейді куәгер.
Мамандар powerbank-терді сапасыз өнімдерден сақтануға және оларды қатты қызып кетуден қорғауға кеңес береді. Қазіргі уақытта оқиғаның мән-жайы анықталып жатыр.
