Республикалық маңызы бар автожолдарда жол-көлік оқиғалары 20 пайызға азайды. Мұның басты себебі – жол бойына орнатылған бейнекамералар, деп хабарлайды Zhaiyqmedia.kz ақпарат агенттігі.
Бейнекамералар жүргізушілердің жылдамдықты асыруы мен ереже бұзуына жол бермей, тәртіпті күшейткен. Соның нәтижесінде апаттың алдын алу мүмкін болды.
«Жолдардағы бейнебақылау жүйесі апаттылықты төмендетуге тиімді әсер етті. Бұл – қауіпсіздікті арттырудың нақты қадамы», – дейді мамандар.
Қазіргі уақытта республикалық жолдардағы бейнекамералардың санын арттыру жоспарланып отыр. Бұл бастама жол апатын одан әрі азайтуға мүмкіндік береді.
