Дүниежүзілік денсаулық сақтау ұйымы (ДДСҰ) Африкада Эбола вирусының таралуына байланысты халықаралық маңызы бар төтенше жағдай жариялады, деп хабарлайды Zhaiyqmedia.kz ақпарат агенттігі.
Бұл шешім вирустың бірнеше елде қауіпті деңгейде таралуына байланысты қабылданды. ДДСҰ сарапшылары эпидемияның өршуі жаһандық денсаулық сақтау жүйесіне төнген қатерді арттырып отырғанын айтады.
«Эбола – өте жұқпалы және өлімге әкелетін вирус. Біздің басты міндетіміз – оның одан әрі таралуын тоқтату», – деді ДДСҰ өкілі.
Қазіргі уақытта Африканың бірнеше елінде карантиндік шаралар күшейтіліп, халықаралық ұшуларға шектеу қойылуда. ДДСҰ әлем елдерін сақтық шараларын күшейтуге шақырды.
