13 мамырда Қазақстанның басым бөлігінде жаңбыр жауып, найзағай ойнайды. Кей жерлерде бұршақ жауып, тіпті үсік жүруі мүмкін, деп хабарлайды Zhaiyqmedia.kz ақпарат агенттігі.
Синоптиктердің мәліметінше, еліміздің солтүстік және орталық өңірлерінде жауын-шашын қатты болады. Оңтүстікте ауа райы салыстырмалы түрде жылы болғанымен, найзағай мен екпінді жел сақталады.
Батыс Қазақстан облысында да күн бұлтты, кей жерлерде жаңбыр мен найзағай күтіледі. Түнде ауа температурасы 0-5°C-қа дейін төмендеп, үсік қаупі бар.
