Сурет: Report
Филиппиннің оңтүстігінде магнитудасы 7,8 болатын жер сілкінісі салдарынан 32 адам қаза тауып, 200-ден астам адам жарақат алды, деп хабарлайды Zhaiyqmedia.kz ақпарат агенттігі.
Табиғи апаттан кейін Жапонияның бірқатар жағалау аймақтарына цунами қаупі жарияланды. Жағалауда биіктігі 1 метрге жеткен толқындар тіркелген.
Дженерал-Сантос қаласында бірнеше ғимарат құлап, инфрақұрылым зақымданды. Кем дегенде бір жағалаудағы ауылда цунами ғимараттарды қиратты.
Жер сілкінісінің эпицентрі Генерал-Сантос қаласынан солтүстікке қарай 51 шақырым жерде, 10 шақырым тереңдікте орналасқан. Қала халқы шамамен 697 мың адамды құрайды.
Филиппиннің Азаматтық авиация басқармасы (CAAP) Генерал-Сантос әуежайын уақытша жапты. Филиппин президенті Фердинанд Маркос кіші Минданао аралындағы кейбір аймақтарда сабақты тоқтатуға бұйрық беріп, үкіметтік мекемелерге апат салдарын жоюды тапсырды.
Жапонияда цунами қаупіне байланысты ондаған мың тұрғын эвакуацияланды.
