Сурет: Ақорда
2025 жыл Қазақстан үшін саяси және әлеуметтік-экономикалық тұрғыда маңызды кезең ретінде есте қалды. Елде ауқымды жаңғыру үдерістері жүріп, азаматтардың тұрмыс сапасын жақсартуға бағытталған нақты нәтижелер байқалды. Бірқатар жаңа өндіріс іске қосылып, ауыл шаруашылығында өнім көлемі артты. Сонымен қатар тұрғын үй құрылысы жанданып, білім беру және денсаулық сақтау нысандары бой көтерді, жол инфрақұрылымы жаңғыртылды.
Жыл ішінде Қасым-Жомарт Тоқаев елдің 9 өңіріне жұмыс сапарымен барып, өндірістік, ғылыми және әлеуметтік бағыттағы 50-ден астам нысанның тыныс-тіршілігімен танысты.
Бұдан бөлек, Мемлекет басшысы 16 облыс пен республикалық маңызы бар қалалардың әкімдерінен есеп алып, өңірлердің даму барысын жеке бақылауда ұстады.
