Атырау облысында ауа сапасына талдау жүргізіліп, екі бірдей ауданда күкіртті сутек мөлшерінің шектен тыс артқаны анықталды, деп хабарлайды Zhaiyqmedia ақпарат агенттігі.
Мамандар атмосфералық ауа сынамаларын Тасқала ауылы мен «Химпоселок» шағын ауданынан алған. Нәтижесінде екі аумақта да ауаның қатты ластанғаны белгілі болды.
«Кеңөзек ауылдық округіне қарасты Тасқала ауылында күкіртті сутек концентрациясы шекті мөлшерден – 17,5 есе, оған іргелес аумақта – 15 есе, ал «Химпоселок» шағын ауданында 36,3 есеге дейін артқаны тіркелді».
Талдау нәтижелері тиісті шараларды қабылдау үшін мемлекеттік органдарға жолданды.
Фото: Әлеуметтік желіден
